"Ұстаз аты - биік, әрі мәңгілік"

Күн сәулесі өмірге қандай жарық берсе, ұстаз есімі де шәкірттерге күндей жарық береді. Ұстаз - шәкірт алдында сыйлы адам. Ұстаз жайлы айтылар сыр да, жыр да көп. Ұстаз сенімін ақтау - адамгершіліктің белгісі. Ұстаздарға арналған ұлағатты сөздерді жалғастыра берсек, даналық сөздер тізбегі шексіздікке ұласады. Ұстаздар мерекесіне орай ұйымдастырылған мерекелік кеште мектеп директоры Сейтова Асем Сайлаубекқызы білім көшін алға жылжытып келе жатқан ұстаздар қауымын кәсіби мерекелерімен құттықтап, толағай табыс тіледі. Сонымен қатар елдің болашағы үшін аянбай қызмет етіп жатқан ұстаздардың еңбегін ескеріп, алғыс хаттар табыстады. Ары қарай мерекелік концерт өз жалғасын тапты. Концертке мектеп оқушылары белсене қатысты.