Наурыз көже - Ұлыстың Ұлы күні жасалатын тағам

Қазақ халқының ұғымында жеті саны қасиетті саналғандықтан, наурыз көжеге жеті түрлі дәм қосылады.

Дәстүр бойынша оған бидай, тары, бұршақ, күріш сияқты кем дегенде жеті түрлі азықтық заттар мен ақ қосады. Тақ санын сақтап, мұндай заттар көбейтіле береді. Көжеге соғымнан арнайы сақталған қазы, қарта, шұжық та салады.

Наурыз көже - тоқшылық пен ырыс құттың жоралғысы.

Ұлттық тағам Наурыз мерекесінде әрбір шаңырақта міндетті түрде әзірленген. Халық арасында «тілеу көже», «көп көже» деп те атайды. 

Наурыз көже ішуге жиналған жұрт «ақ мол болсын» деген тілек айтады.

Осы орайда 2025 жылдың  17 наурыз күні 1”А” сынып жетекшісі Г.М.Басканбаеваның ұйымдастыруымен “Наурыз көже” тақырыбында ашық сынып сағаты өтті.